Ораза тұтқан кісіге бір құрма немесе бір кесе сүт берген адам да ауызашар бергендей сауапқа ие болады. Пайғамбарымыз (с.ғ.с.):«Кімде-кім Рамазанда ораза тұтқан кісіге ауызашар берсе, күнәлары кешіріледі. Ораза тұтқан кісінің сауабына тең сауап бұған да беріледі» деген. Осы орайда, Қарағанды облысында бір айда 55 000 студентке «Ауызашар қоржыны» берілді. Оның 50 мыңы Қарағанды қалалық «Әл Машани» мешітінің ұйымдастыруымен жүзеге асса, қалғаны облысқа қарасты қала, аудан мешіттерінің бастамасымен ұйымдастырылды.