Қарағанды облысы бойынша КМДБ-ның «Әнет баба» атындағы орталық мешіті
Қарағанды қаласындағы Әнет баба атындағы облыстық орталық мешіт – Қазақстандағы ең ірі мешіттердің бірі. 2011 жылдың 20 қарашасында салтанатты түрде ашылған бұл мешіт этнопарк аумағында орналасқан.
Мешіттің сипаттамасы:
Үш қабатты ғимарат, төрт мұнарасының биіктігі – 51 метр.
Негізгі күмбезінің биіктігі – 12 метр, оған қосымша 8 кіші күмбезі бар.
Бірінші қабатта неке қию залы, асхана, ерлер мен әйелдерге арналған дәретханалар мен киім шешетін бөлмелер орналасқан.
Екінші қабатта 3200 адамға арналған ерлердің намаз залы, үшінші қабатта 800 адамға арналған әйелдердің намаз залы бар.
Мешіттің ішкі және сыртқы безендірілуі қазақы ою-өрнектермен көркемделген, витражды терезелері ерекше сән береді.
Орналасқан жері:
Қарағанды қаласы, Қазыбек би ауданы, Шахтерлер даңғылы, 10-үй.
БАС ИМАМ
Әбдіғали
Естай Айтуғанұлы
ҚМДБ-ның Қарағанды облысы бойынша Бас имамы
Әбдіғали Естай Айтуғанұлы — Қарағанды облысының бас имамы, Қазақстан мұсылмандары діни басқармасының өкілі. 2022 жылдың 7 қазанында осы қызметке тағайындалды.
Өмірбаяны:
1995 жылы Қарағанды облысы, Шет ауданы, Жұмыскер ауылында дүниеге келген.
2001–2012 жылдары Жұмыскер ауылындағы орта мектепте білім алды.
2012–2015 жылдары Астана қаласындағы «Нұр Астана» медресесінде діни білім алды.
2016–2019 жылдары Е.А. Бөкетов атындағы Қарағанды мемлекеттік университетінде «Дінтану» мамандығы бойынша жоғары білім алды.
Еңбек жолы:
2015 жылы Саран қаласының мешітінде ұстаз болып қызмет етті.
2016–2018 жылдары Бұқар жырау ауданы, Ростовка ауылындағы «Балкен ана» мешітінің бас имамы болды.
2018–2020 жылдары Нұр-Сұлтан қаласындағы «Ырыскелді қажы» мешітінде наиб имам қызметін атқарды.
2020 жылдың ақпан–маусым айларында республикалық «Әзірет Сұлтан» мешітінің наиб имамы болды.
2020–2022 жылдары Теміртау қаласындағы «Әлихан Бөкейхан» атындағы орталық мешіттің бас имамы қызметін атқарды.
2022 жылдың 7 қазанынан бастап Қарағанды облысының бас имамы қызметін атқаруда.
Әнет баба Кішікұлы — қазақ халқының тарихында аса ірі тұлғалардың бірі. Әнет баба Тәуке ханның сенімді кеңесшісі, ел арасында әділдігімен танылған би болған. Әнет баба қазақ қоғамының бірлігін, ынтымағын сақтау жолында елеулі қызмет атқарған, сол замандағы рухани көшбасшылардың бірі саналады.
Тәуке ханмен бірге «Жеті жарғы» заңдар жинағын жасауға белсене қатысқан. Оның терең білімі мен даналығы арқылы әділетті билік қалыптасты. Сонымен қатар, Әнет баба — Қазыбек би, Төле би, Әйтеке би сияқты ұлы билердің рухани ұстазы ретінде де танымал.
Халық арасында Әнет бабаның нақыл сөздері, әділ шешімдері мен парасатты ойлары ұрпақтан ұрпаққа жалғасып келеді. Ол ел ішінде бірлікті насихаттаған, ақыл мен парасатты үлгі еткен тұлға ретінде мәңгілікке есте қалды.
«Халал» сертификаты
Имамдарға қызметтік пәтер
Мешіт туралы