Қарағанды қалалық «Қазыбек би» мешітінде әйел-қыздар жамағатына арналған фиқһ және сира дәрістері тұрақты түрде жүргізіліп келеді.

Дәріс барысында қатысушыларға исламның құқықтық негіздері, күнделікті құлшылық үкімдері, сондай-ақ Пайғамбарымыз Мұхаммедтің (с.ғ.с.) өмірінен өнегелі оқиғалар жан-жақты түсіндіріледі.

Тұрақты дәрістер жамағаттың діни сауатын арттыруды, құлшылыққа деген жауапкершілікті күшейтуді және рухани дамуына қолдау көрсетуді мақсат етеді.