Жиналған жамағатқа мешіт асханасында ауызашар берілді. Ауызшардан кейін Тарауық намазы оқылып, Хатым дұғасы жасалды. Түркия елінен келген Қариға қазақы дәстүр бойынша шапан жабылған соң, қари алғыс білдіріп, сөз сөйледі. Жиналған жамағатқа балмұздақтар мен түрлі тәттілер таратылды. Жамағатпен Таспих намазы оқылып, жиналған жамағатқа викториналық сұрақтар қойылып, сыйлықтар таратылды. Мешіт асханасында сәресі беріліп, таң намазы оқылғаннан кейін жиналған жамағат қимастықпен тарқасты.