Пайғамбарымыздан (с.ғ.с.) жеткен хадисте: «Кімде-кім Маған күніне 500рет салауат айтса, бұл дүниеден таршылық көрмей өтеді» Құран Кәрімде Алла Тағала былай дейді: «Ей, иман келтіргендер! Алла Тағаланы көбірек еске алыңдар және де ертелі- кеш кемшіліктен пәктеңдер» (Ахзап сүресі41-42аяты) «Мені құлшылықпен еске алыңдар. Мен сендерді кешіріммен еске аламын. Мені тәубәмен еске алыңдар. Мен сендердің тәубелеріңді қабыл қылумен еске аламын. Мені дұға қылумен еске алыңдар. Мен сендерді қабыл қылумен еске аламын»(Бақара сүресі) Пайғамбарымыздың (с.ғ.с.) хадисінде: «Алланы еске алмай, көп сөйлемеңдер себебі: Алланы еске алмай көп сөйленген сөз жүректі қарайтады. Алланың мейірімінен алыс болған адамдар, жүрегі қара адамдар». Aбу һурайрадан (р.а.) жеткен Пайғамбарымыздың (с.ғ.с.) хадисінде: «Миғражға барған түнде миқдарын(өлшемін) Алла Тағала білетін көл көрдім, жағасында құс бейнесінде жаратылған жетпіс мың қанаты бар періште тұр. Егер бір адам «СубханАлла» десе, сол періште орнынан қозғалады, егер «Алхамдулилла» десе, қанаттарын жаяды, «Лә иләһә иллАлла» десе, ұшады, «Аллаһу акбар» дегенде көлге түседі, «Лә хаулә уә лә қууата иллә билләһил алиил ғазим» десе, көлден шығып қанаттарын сілкілейді, сілкілегеннен ұшқан әрбір тамшыдан Алла Тағала періште жаратады. Сол періштелер осы зікірлерді оқыған адамға қиямет күніне шейін истиғфар, тәһлил ж/е тасбих (күнәсінің кешірілуін сұрайды деген сөз) қылып тұрады». Пайғамбарымыздан (с.ғ.с.) жеткен хадисте: «Алла Тағала аршы астында тіреулер жаратты, қандай бір адам кәлиманы айтса сол тіреулер дірілдейді екен. Алла Тағала тыныш деп әмір еткенде, сол тіреулер қалай мен тынышталам кәлима айтқан адамның күнәсі кешірілмесе дегенде Алла Тағала ол адамның күнәсін кешірдім дегенде барып тынышталады екен». Қиямет күні бір кісіні мизан таразысының жанына періштелер алып келеді. Оның күнәләрі жазылған ұзындығының шегі жоқ 99 шынжыр шығарылып мизан таразысының бір жағына салынады. Мизаннын екінші жағына үлкендігі құмырсқадай калима жазылған парақ салынғанда, калима жағы басым түсіп Алла Тағала рахматына ілігіп пейішке кіреді. Арапшадан аударғандар: Қарағанды облыстық орталық мешітінің наиб имамдары Бекболат Зүлжаладдинұлы, Дархан Асылтайұлы