1) Қасиетті кітаптағы әрбір әріп жеке-жеке жазылған,әріптер бір-бірімен қосылмайды.

 Барлық хәрәкалар біркелкі орналасқан

2) Халықаралық стандарт. Құранның бұл жаңа басылымы барлық халықаралық стандартқа сай жазылған. Қасиетті Кітап 30 жүзден тұрады, әрбір жүз 20 парақтан тұрады, әрбір парақ 15 жолдан тұрады. Әрбір жүз 4-ке бөлінеді. Аяттар әрбір беттің соңында аяқталады.

3) Оқылуының тәсілдері. Жиегінде кейбір сөздердің оқылуы ең көп тараған екі қырағат бойынша "Хафс 'ән 'Асим" - "Шатибия" және "Тайибати нашр" келтірілген.

4) Фиқһ. Жаңа басылымда "Әл-Фатиха" сүресінің аяттары Ханафи мазхабына сай жазылған. Сәжде-тиләуәт те Ханафи мазхабына сай 14 жерде қойылған. 

5) Жеңіл оқылу. Құран кітабының жаңа басылымында оқуға жеңіл болуы үшін бұрын қамтылмаған бірнеше ереже кіргізілді.

"Мадд" тережесі

"Нун сукун" және "тәнуин" ережелері

"Қосатын хамза" ережесі

"Тәксір тәнуин" ережесі 

Аттарды бөлетін символдар аяттан бөлінбестен бірге жазылады. Келесі жолға ауыспайды.

6) Оңай әрі тез жаттау үшін жаңа басылымға бірнеше ерекше өзгерістер енгізілді. Құранның жүзі мен жүз бөліктерін тез табу үшін сандармен көрсетілген. Сондай-ақ, әрбір парақ соңында келесі бетте жазылған аяттың басы жазылған. Бұл Құранды жаттаушы хафизге аятты жеңіл әрі үзбестен жаттауына көмек болары сөзсіз. 

7) Сүре аттарының қасында қосымша ақпарат ретінде қайда түскені (Меккелік сүре ме әлде Мединелік пе) және сүренің қанша аяттан тұратындығы да жазылған.