Осакаровка аудандық мешітінің ұстазы Ақбота Қайратқызы ұйымдастыруымен «Мейірімділік үйі» қарттар үйіне арнайы зиярат жасалып, қайырымдылық шарасы өткізілді.

Игі шара барысында қарттар үйіндегі қарияларға киім-кешектер таратылып, оларға құрмет көрсетілді. Сонымен қатар ақ жаулықты әжелер мен ақсақалдарға жылы лебіздер айтылып, рухани қолдау білдірілді.

Қариялар мен мекеме қызметкерлері ұйымдастырылған қайырымдылық шарасына ризашылықтарын білдіріп, алғыстарын жеткізді.