Қарағанды қалалық «Міржақып Дулатұлы» мешітінің аумағына тұрғындарға қолайлы жағдай жасау және мешіттің кіріс көзін қалыптастыру мақсатында су сататын автомат (водомат) орнатылды.

Аталған бастама қала тұрғындарына ауызсуды қолжетімді әрі ыңғайлы жолмен алуға мүмкіндік береді. Сонымен қатар автоматтан түскен қаражат мешіттің қажеттіліктерін қамтамасыз етуге және оның қызметін дамытуға бағытталмақ.

Бұл жұмыс тұрғындарға қолайлы жағдай жасаумен қатар, мешіттің материалдық-техникалық мүмкіндіктерін нығайтуға да үлес қосады.