Қарағанды облысына қарасты, Ақтоғай елді-мекенінде «Дін және дәстүр» конференциясы болып өтті. Қарағанды облыстық орталық мешітінің найб имамы Қосмағамбетов Бекболат арнайы шақырылып қонақ болып қайтты. Конференцияға келген қонақтардың негізгі мақсаттарының бірі, қазіргі қоғамдағы Ислам дініне жат келеңсіз жағдайлардың өзектілігіне орай, елімізде толеранттылық сананы орнықтыру, сондай- ақ елдегі теріс пиғылды діни ағымдардың салдарынан қалыптасқан діни ахуалды реттеу, ұмытылып бара жатқан ата салт – дәстүрімізді , әдет- ғұрыпымызды қайта жандандыру.