Қарағанды экономикалық университетінде «Экономика және басқару факультеті» студенттерімен кездесу өтті. «Қазақстан Республикасының Ұлттық қауіпсіздігі және экстремизмнің алдын алу» тақырыбында өткен басқосуға №1-мешіттің наиб имамы Ермахан Оралбай қажы қатысып, дәстүрлі дініміздің құндылықтарына кеңінен тоқталып, ел тыныштығы мен дін тұтастығына байланысты насихат айтты. Діни түсінікті дұрыс қалыптастырмаудың соңы «дүдамал» ойларға жетелейтіндігін түсіндірді. Ұлт болып ұйысудың, тұтас болып бауырласудың үлгісін айтқан Оралбай қажы ең қымбат байлығымыз болып саналатын бейбітшілік пен келісім, рухани байлық пен татулықтың маңызын діни тұрғыда атап өтті. Осындай келелі кездесулердің халқымызға беретін пайдасы мол екендігі назарға алынып, №1-мешіттің діни қызметкерлері дін қызметінде белсенділіктерін арттырып келеді.   Қарағанды қалалық №1-мешітінің баспасөз қызметі