Қарашаның 8 жұлдызында Қарағанды орталық мешітінің уағыз-насихат тобы Теміртау қалалық мешітіне ат басын бұрды. Облыстық орталық мешіттің ұстазы Нұрбол Тағаев қасиетті жұма намазына жиналған жамағатпен жүздесіп, ата-ананың хақысы жайында ғибратқа толы уағыз айтып, артынша жұма намазын өткізді. Нұрбол ұстазға риза болған мешіт жамағаттары: «мешітімізге басқан қадамың нұр болсын» деп, ақ батамен шығарып салды.