ҚМДБ-ның төрағасы, бас муфти Ержан қажы Малғажыұлының тапсырмасы бойынша, ҚМДБ-ның Қарағанды өңірі бойынша өкілі, Қарағанды облыстық мешітінің бас имамы Өмірзақ қажы Бекқожаның бекіткен жылдық жоспар бойынша ауыл, аудандарда ақпараттық насихат тобы өз жұмысын жалғастыруда. Осыған байланысты бекітілген кесте бойынша Шет ауданы «Жанқұтты би» мешітінің наиб имамы Әкімтай Ансар, Ақадыр кенті «Иса Молда» мешітіне 8-ші қараша жұма күні барып, мұхаррам айының қасиетімен, ашура күнгі оразаның сауабы туралы уағыз айтып, жұма намазын өткізіп қайтты.