5 қараша күні «Бала қажы» мешітінің наиб имамы Қалмағанбетов Нұржан Оңғарұлы «Қарағанды экономикалық университет» оқу орнында болып тәрбиелік маңызы зор уағыз-насихаттар айтып жастарды толғандырып жүрген сауалдарға жауап беріп қайтты. Сонымен қатар, жиында жастарды жат ағымдардан сақтандыру, рухани тұрақтылықты сақтау мәселелері, ата-бабаларымыздан жеткен, бойымызға сіңген қазақи салт-дәстүріміз Ислам дініне қайшыма деген мәселе кеңінен әңгімеленді. Кездесу соңы студенттерді толғандырып жүрген хиджап, оқу орындарында намаз оқу бөлмесін ашу, жұма намазы т.б. мәселелер төңірегінде сұрақ-жауаппен алмасты.