2 қараша күні Қарағанды қалалық «Бала қажы» мешітінің бас имамы Махмуд қажы Нұрұлы облыстық Балалар емханасында арнайы шақыру бойынша барып мекеменің қызметкерлерімен кездесті. Басқосуға 50-ге жуық мекеме қызметкерлері қатысып, терроризм және экстремизм төңірегінде әңгіме өрбітті. Шараның мақсаты-ұлтымыздың келешегі, мемлекетіміздің тірегі, жарқын болашағымыздың ертеңі болған жастарды экстремизмге итермелеп, терроризмге апаратын іс-әрекеттер мен көзқарастардың қалыптасуына жол бермеу және алдын алу. Сондай-ақ, ислам дінінің экстремизмге және терроризмге үш қайнаса сорпасы қосылмайтындығын, әрі түбегейлі оған қарсы екендігін жеткізу.