Қазан айының 28 жұлдызында Теміртау қалалық мешітінің бас имамы Амантай Естай Астана қаласы дін істері агенттігінің өкілдерімен бірге «Нұрқазған» кенбайыту фабрикасында болып,ондағы жұмыскерлермен кездесті. Іс сапардың негізгі мақсаты қазіргі қоғамымыздағы өзекті мәселеге айналған түрлі жат ағымдарға байланысты діни сауаттылықты қүшейту мақсатында халықпен сұхбаттасып,олардың ойымен ашық бөлісу және дәстүрлі дінімізбен жат ағымдардың арасын ажыратып беру болды.Кездесу барысында Астанадан келген қонақ Юля ханым республикамыздағы діни бірлестіктер туралы ақпарат бере отырып,олардың елімізде әр қайсысының қанша пайыз құрайтындығы жайлы мағлұмат берді.Екінші кезекте сөз алған қалалық мешіттің бас имамы Амантай Естай ағымдармен дәстүрлі дініміздің ара жігін ажыратып берді.