Қазан айының 21 жұлдызында орталық мешіттің наиб имамы Құрманов Серік діни сауаттандыру мақсатында қаламыздағы кедендік бақылау, төтенше жағдайлар,  салық департаменттерінің, «ELTO» - электро-техникалық жабдықтар зауытының қызметкерлерімен кездесіп дәріс оқып қайтты. Кездесу барысында еліміздің бірлігі, ынтымағы жайлы сөз өрбіткен мешіт қызметкері халқымыздың тұтастығын бұзатын, қанша қандастарымызды торына тоғытып жатқан арамза, арандатушы топтарға тосқауыл қою қажеттігін, іргеміздің сөгілуін тілеп жүрген іріткі салушы ағымдардан іргені аулақ салу керктігін айрықша атап өтті.