Үстіміздегі жылдан бастап «Бала қажы» мешітінде күрделі жөндеу жұмыстары жүргізілуде. Қазақстан мұсылмандары діни басқармасының тапсырмасында әрбір мешіт имамының жеке бөлмесі мен найб имамдарының бөлмесі және жамағатты қабылдау бөлмелері заман талабына сай болу керектігі тапсырылған еді. Осы тапсырма негізінде аталмыш мешіттің бас имамы Махмуд қажы қолдан келген күш жігерін аянбай мешіттің ішін, сыртын күрделі жөндеуден өткізіп жатыр. Сонымен қатар, демеушілердің көмегімен мешіттің жайнамаздары жаңартылды. Асыл дініміздің өркендеуі жолында қызмет етіп жүрген  имамдарға Алла разы болсын!