ҚМДБ-ның Қарағанды өңіріндегі өкілдігінің ұйымдастыруымен облыс қалалары мен аудандар имамдарының білімін жетілдіру мақсатында семинар өз жұмысын бастады. Алдағы аттестацияға дайындық ретінде семинарда негізінен мұсылман дінінің қағидалары - ақида мен фиқһ мәселелері жөнінде кеңінен әңгіме болып, күнделікті өмірде кездесетін сауалдарға жауап берілді. Сонымен қатар, діни лаңкестік және шетелдік секталармен күрес, оларды әшкерелеу жайлы т.б. ауқымды тақырыптар түсіндірілді. Имамдардың білімін жетілдіру семинарында ҚМДБ-ның Қарағанды облыстық орталық мешітінің ұстазы — Тағаев Нұрбол дәріс оқиды. Семинардан соң қатысушыларға арнаулы куәліктер тапсырылады.

Тотия Енсебаева Қарағанды өңіріндегі өкілдіктің баспасөз қызметі