ҚМДБ-ның Қарағанды облыстық орталық мешітінде қасиетті Рамазан айындағы Бесін намазында оқылған Құран Хатымның тамыз айының 7-жұлдызында соңғы парасы оқылды. Естеріңізде болса, Құран Хатым қылған 12 жастағы қари Әбду Мәлік жайлы мешітіміздің ресми сайтында, республикалық БАҚ-та да жарияланған болатын. Бұл Құран Хатымның сауабы мен дұғасының маңыздылығын ұққан халық күнделікті Бесін намазындағы саптардың санын едәуір көбейтті. ҚМДБ-ның Қарағанды аймағының өкілі, Қарағанды облыстық орталық мешітінің Бас имамы Бекқожа Өмірзақ Қазкенұлы дұға жасап, елімізге ынтымақ пен бірлік, жамағат арасында бір-біріне деген сүйіспеншілік, әрбірінің отбасына береке, мол бақ тілеп, келер Рамазандарға аман жетуімізді Аллаһтан сұрап, сондай-ақ, баталары ел көгертетін ақсақалдар арасынан да үлкені шығып ақ батасын берді. Намаз соңында дұғалар жасалып, жамағаттармен жүздесіп болған соң, қариға арнайы құрмет көрсетіліп, мешіт жамағаты өз рахметтерін білдірді.

Қарағанды облыстық орталық мешітінің баспасөз қызметі Енсебаева Тотия