Пайғамбарымыз ﷺ бір хадисінде:  «О, Алланың құлдары! Емделіңдер, себебі дертті жаратқан Алла оның шипасын да жаратқан. Тек кәріліктің емі жоқ» - деген хадисін ұстана отырып, қазіргі таңдағы дамып жатқан медицинаның қызметтерін пайдалана отырып емделу, денсаулықты нығайту сауапты да міндетті амал

Қазіргі таңдағы елімізде  медицина саласы қарқынды  дамуда. Мұның барлығы сіз бен біздің денсаулығымыз бен өмірімізді жақсарту үшін жасалуда.

Бүкіл әлемді жаулаған «COVID-19» індеті елімізді де айналып өтпегені баршамызға аян. Осы ауыр індеттің алдын - алып, халықтың денсаулығын сақтау мақсатында жаппай вакцина егу қызметі басталған болатын. Осы орайда екпе егудің маңызы мен мәнін түсіндіру мақсаты бойынша Теміртау орталық «Әлихан Бөкейханұлы» атындағы мешіттің имамы Естай Айтуғанұлы Теміртау қаласындағы «2-Батальон полиция қызметкерлерімен» вакцина салдыру тақырыбы бойынша дәріс жүргізді. Сондай-ақ, Рамазан айында екпе егудің қаншалықты дұрыс-бұрысын түсіндіріп, қызметкерлердің тарапынан туындаған сұрақтарға жауап берді.

Хадисте айтылғандай: «...ауру келмей жатып, денсаулықтың қадірін біл...»,-дегендей Алла Тағаланың берген денсаулығын қадіріне жетейік. Алла Тағала бізге тәрбие беріп, түн ұйқысын төрт бөлген ата-анамызға және өсіріп отырған ұл-қыздарымызға зор денсаулық бергей!