Шет ауданында Қазақстан Республикасының Конституция күніне орай салтанатты жиын өтті. Іс-шараға аудан әкімі, ауылдық округ әкімдері, дін қызметкерлері, ардагерлер мен қоғам қайраткерлері қатысты.

Жиынның негізгі мақсаты – Ата заңымыздың қоғамдағы рөлін айқындап, ел бірлігі мен тұрақтылықты сақтаудағы маңызын дәріптеу болды.

Шет аудандық «Жанқұтты би» мешітінің имамы Берік Алпысбайұлы жиналғандарды мерекемен құттықтап, Конституцияның діни бостандықты қамтамасыз етудегі маңызына тоқталды.

Кездесу барысында өңірдің діни ахуалына қатысты бірқатар өзекті мәселелер қаралды. Атап айтқанда:

• ауылдық мешіттердің құжаттандыру жұмыстары,

• діни кадр тапшылығы,

• мешіттердің қыс мезгіліне дайындығы,

• Қарағанды қаласында 36 имамға арналып салынып жатқан тұрғын үй құрылысының жай-күйі талқыланды.

Сонымен қатар мемлекет пен діннің өзара ынтымақтастығын нығайту, жастарды дұрыс діни бағытта тәрбиелеу және қоғамда рухани бірлікті сақтау мәселелері көтерілді.

Жиын соңында көтерілген мәселелерді шешу бойынша нақты ұсыныстар қабылданып, аудан әкімдігі тарапынан қолдау көрсетілетіні айтылды.

Конституция күніне арналған бұл басқосу ел бірлігі мен ынтымағын арттырып, қоғамдағы діни тұрақтылықты қамтамасыз етуге бағытталған игі қадам болды.

ҚМДБ Қарағанды облысының баспасөз қызметі