«Бала қажы» мешітінде әйелдер жамағаты Мәуліт дастарханына жиналды.

«Бала қажы» мешітінің имамы Махмуд қажы Нұрұлының бастамасымен әйелдер жамағаты Мәуліт айының құрметіне арнайы дастарханға бас қосты.

Берекелі басқосуда Мәуліт жыры оқылып, Хатым Құран дұғасы жасалды. Сондай-ақ, жиналған қауымға Пайғамбарымыздың (с.ғ.с.) қадір-қасиеті жайында тағылымды уағыз айтылып, Оның көркем мінезі мен өнегелі өмірі жайлы әңгіме өрбіді.

Мәуліт – адамзаттың ардақтысы, Алланың сүйікті Елшісі Мұхаммедтің (с.ғ.с.) дүниеге келген айы. Бұл айдың берекесі – жүректерді иманға жұмылдырып, жамағатты бірлікке, ізгілікке ұйыстыруында. Осынау рухани басқосуда мұсылман баласы Пайғамбарымыздың (с.ғ.с.) өнегелі жолын дәріптеп, сүннетін өмірлік ұстанымға айналдыру жайлы насихатталды.

ҚМДБ Қарағанды облысы өкілдігінің баспасөз қызметі