Рамазан айы игілік пен береке айы, қайырым мен мейірім айы. Бұл айда істеген жақсылықтың сауабы еселеніп, несібесі арта түседі. Осындай берекелі айдың  құрметіне Қарағанды облысына қарасты Балқаш қалалық мешіті  еріктілер жамағатымен бірлесе отырып  «Өмірге үміт сыйла» атты қайырымдылық іс-шарасын жүзеге асырды. Жүрекке қуаныш сыйлайтын  іс-шарада  жағдайы төмен  алты отбасыға  бір айға жететін азық-түлікпен  қамтамасыз етті. Шарапаты мол ,берекелі айдың шексіз сауабына кенеліп, Алланың разылығына бөлену үшін жасайтын игі шаралар аталмыш аймақта әлі де жалғаспақ.