Center Image
IHSAN.KZ
Облыс бас имамы «1-Қарағанды» арнасында сұхбат берді
            Облыс бас имамы «1-Қарағанды» арнасында сұхбат берді

Баршамызға мәлім, ҚМДБ биылғы жылға еркше серпін беріп, арнайы «Жеті бағыт жобасын» алға қойған болатын. Сонымен қатар, «Ихсан ілімі» жобасы бойынша да еліміздің барлық өкілдіктерінде қарқынды түрде насихат жұмыстары жүргізіліп жатыр.   Осы аталған бағыттар мен жобалар бойынша облысымыздың тынысынан хабар беру мақсатында   бүгін ҚМДБ-ның Қарағанды облысы бас  имамы Өмірзақ қажы Қазкенұлы жергілікті «1-Қарағанды» арнасында арнайы сұхбат берді. Сүбелі сұхбат барысында өңіріміздің жеті бағыт бойынша атқарылып жатқан шараларға жеке-жеке тоқталып, қазіргі діни ахуалдан хабар берді.                                                Сондай-ақ, қазіргі эпидемиологиялық жағдайға байланысты әлеуметтік желідегі дәрістер мен уағыз-насихаттардың көптеп өтуіне діни басқарма тарапынан үлкен басымдық берілгенін тілге тиек етті. Әңгіме барысында еліміздің егемендігінің отыз жылдығы аясында жеткен жетістіктер мен жобалар талқыланып, болашақта да өңіріміз үлкен мақсаттар мен мұраттарға қол жеткізу үшін қарқынды қызметке қазірден бастап білек сыбанып кірісіп кеткенін айтып өтті

ҚМДБ-ның Қарағанды облысы бойынша баспасөз қызметі


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz