Балқаш қалалық мешіті шуағын шашқан көктем мерекесінің келуімен  көп балалы жағдайы төмен отбасындағы және мүгедек аналарды мерекесімен құттықтап, ақ дастархан жайып, сый-сияпат көрсетті. "Ізгілік қалсын, әр ізде" атты қайырымдылық жәрмеңкесін екінші  мәрте іске асыру арқылы одан түскен қаражатқа жағдайы төмен 23 отбасына азық- түлікпен көмек көрсетті. Сый қылсаң сыпыра қыл деп, ақ дастарханнан дәм татып, соңынан үйлеріне жай қайтпай азық- түлікпен көмек ала кеткен  аналардың қуанышы, бірінен кейін бірінің жарыса айтқан рахметі мен алғыстарында тоқтау болмады. Осылайша Балқаш қалалық мешіті тағы бір мәрте игі істің куәсіне көз жеткізді. 
Алла баршамызды ізгі амал жасауға нәсіп етсін! 
ҚМДБ-ның Қарағанды облысы бойынша баспасөз қызметі