Center Image
IHSAN.KZ
Шашубай кентінде жаңа мешіт ашылды
Шашубай кентінде жаңа мешіт ашылды

Шашубай кентінде жаңа мешіт ашылды 
Шашубай кентіндегі мешіттің  құрылысы 2009 жылы Оразбаев Нұрлан Тілеуғалиұлының шынайы ыхыласымен бастау алған еді. Нұрлан Тілеуғалиұлы мешіттің ірге тасынан бастап, қабырғасына дейін көтергенімен белгілі себептермен бірқанша уақытқа  мешіт құрылысы тоқтап қалған еді.  Осыдан кейін бұл істі  2019 жылы осы ауылдың тұрғылықты азаматы  Балқаш қалалық мешітінің наиб имамы Түсіпбеков Асылхан Рахымжанұлының  ұйымдастыруымен  қолға алынып, 2020 жылдың соңына қарата мешіт  құрылысы толығымен аяқталды.Алайда, мұндай істің бір адамның қолынан келмесі анық. Осындай сауапты іске себепші болайық деген ниетпен Асылхан  бауырымыздың мұрындық болуымен ел азаматтары, мешіт жамағаттары көптеп  көмегін тигізді. Сауапты істің басынан аяғына дейін жүріп, демеушілік еткен осындай бауырларымызға  Алла разы болсын дейміз. 
Міне, ел болып көптен күткен мешітіміздің  ашылу салтанаты 2021 жылдың наурыз айының басында ресми түрде ашылып, пайдалануға беріліді.  Мешіттің ашылу салтанаты қасиетті жұма күні ҚМДБ-ның Қарағанды облысы бойынша бас имамы Өмірзақ қажы Казкенұлының арнайы қатысуымен жүзеге асты. Облыс бас имамы жаңа мешіттің имамы Асылхан Түсіпбековты ҚМДБ-ның Төрағасы, Бас мүфти Наурызбай қажы Тағанұлының арнайы бұйрығымен қызметке тағайындап, жамағатқа таныстырды. Алдағы қызметіне сәттілік пен береке тілеп, батасын берді. 

 


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz