2020 жыл Тәуелсіз Қазақстан тарихында ерекше жылнамамен тіркелері сөзсіз. Себебі биылғы жылды Қазақстан Республикасының Мемлекет басшысы Қасым-Жомарт Тоқаев Еріктілер жылы (волонтерлер жылы) деп жариялған болатын. Осы атаулы жыл аясында ҚМДБ алға бірнеше жоспарлар мен мақсаттар қойып, соны жүзеге асыру мақсатында әрбір өкілдікке тапсырмалар жүктеген болатын.

ҚМДБ-ның Қарағанды облысы өкілдігі еркітілер жылын жемісті аяқтады.  Әсіресе, биылғы сынға толы, ел басына туған уақытша сынақ уақытында «Жастар ісі» секторының  жұмысы айқын көрінді. Айта кетейік, осыдан дәл екі жыл бұрын «Жастар ісі» секторының жанынан арнайы «Шарапат» еріктілер тобы құрылған болатын. Бүгінде аталмыш топтың құрамы көбейіп, жастардың жігері арта түскен. Олар облысымыздың «Жастар ісі» секторының  ұйымдастыруымен жүзеге асқан қайырымды шараларының бел ортасынан табыла білді. Пандемия кезінде де жандарын шүберекке түйе отырып, мұқтаж жандардың отбасыларына қажетті заттарды жеткізіп берді.                Алла тағала Құранда жастық жігерін ізгілікке, адамзаттың екі дүниесіне қайыры тиетін істерге жұмсаған пенделерін үлгі қылады. Осындай сын сағатта сауапты істердің ұйытқысы болып, еріктілерді бір жұдырықтай жиып, ұйымшылдыққа баулып, аймағымыздың жастарын алға бастап жүрген сектор өкілі  Нұржігіт Оразалыұлының еңбегі ерен. Облыстық «Әнет баба» мешіті мен «Жастар ісі» секторының ұйымдастыруымен бірнеше игі-шаралар, қайырымды істер, онлаин пікір-таластар мен сұхбаттар және дәрістер ұйымдастырылды. Осындай жауапкершілігі зор һәм сауабы мол істі дөңгелетіп, бір жылдың қорытындысын жемісті аяқтаған  Қарағанды облыстық «Әнет баба» мешітінің наиб имамы әрі  «Жастар ісі» бөлімінің облысымыз бойынша жауапты өкілі  Мұсабеков Нұржігіт Оразалыұлының еңбегі еленіп, Қазақстан Республикасы Ақпарат және қоғамдық даму министрірлігі Дін істері комитетінің арнайы алғыс хатымен марапатталды. Дін саласындағы мемлекеттік саясатты іске асыруда және еліміздің қоғамдық өмірінде көрсеткен білсенділігі үшін марапат қағазын Ақпарат және қоғамдық даму министрлігінің Дін істері комитетінің төрағасы       Ержан Болатқанұлы Нүкежановтың өзі табыстап, үлкен алғысын білдірді.                                           Жастар – елдің үміті, бабаларымыздың аманаты. Абай атамыз айтқандай қолымызды кеш сермеп кешігіп қалмас үшін жас кезімізде ілімге мән берейік, талаптанайық ізденейік, сонда ғана біздің береріміз болады. Алла елімізде иманды жастардың санын арттырсын. Жаратушы Ием олардың атқарған әр ісін, басқан әр ізін сауаптан жазғай.

ҚМДБ-ның Қарағанды облысы бойынша баспасөз қызметі