Қарағанды облыстық «Әнет баба» мешітінің наиб имамы Хумар Қоныскерей және «Нұра» ауданының имамы Бокаев Ерлан Серікұлы

 бақылау-басқару ісі бойынша арнайы қызметтік сапармен Ақмешіт ауылы, «Ықсан қажы» мешітіне ат басын бұрды.

Аймақ мешітінің имамы Сарбенбеков Кендебай Мәмбеталиев облыс наиб имамына мешіттің бүгінгі тыныс-тіршілігін таныстырып, жаңалығымен бөлісті. ҚМДБ-ның отыз жылдығына орай «30 игі шара» аясында «Ықсан қажы» мешіті бірнеше жөндеу жұмыстарын жүзеге асырған. Атап айтқанда, мешіттің жылу беру жүйесі заманауи түрге ауыстырылып, шатыры мен төбесі күрделі жөндеуден өтті. Мешіттің дәретханасы да жаңартылып, айналасы қоршалды. Игі шараға жергілікті тұрғындар бір ауыздан ат салысып, мешіт құрылысын өздері атқарған. Екі жарым миллион теңге қаражат жұмсалған мешіттің жөндеу жұмыстарына демеушілік көмектің қаражатын  да жергілікті халық жинаған.    

Осындай екі дүние бақытына жол көрсететін ғибадат үйін салған адамдарға қатысты Пайғамбарымыз (Алланың оған игілігі мен сәлемі болсын) былай дейді: «Кім жер бетінде Алланың үйін салуға атсалысса, Алла Тағала ол кісіге жұмақтан орын дайындайды» Жалпы, мешіт салудың сауабы қаншалықты үлкен екені жайында Алла Тағала Құран Кәрімде: «Алла Тағаланың мешіттерін тек Аллаға және ақырет күніне иман еткен, намаз оқыған, зекетін берген және Алладан басқа ешкімнен қорықпайтындар ғана салады», – дейді (Тәубә сүресі, 18-аят).