Center Image
IHSAN.KZ
«БАЛА ҚАЖЫ» МЕШІТІНДЕ ҚҰРАН ЖАРЫСЫ БОЛЫП ӨТТІ (ФОТО)
«БАЛА ҚАЖЫ» МЕШІТІНДЕ ҚҰРАН ЖАРЫСЫ БОЛЫП ӨТТІ (ФОТО)

Қарағанды қалалық «Бала қажы» мешітінде ҚМДБ-ның Қарағанды облысы бойынша бас имамы Өмірза қажы Қазкенұлының тапсырмасымен және «Бала қажы» мешітінің имамы Нұров Махмұд Нұрұлының ұйымдастыруымен Құран жарысы болып өтті. Берекелі шараның ашылу салтанатында облыс бас имамы барша сайыскерлерге ақ жол тілеп, батасын берді.  Байқауға аймақтың 15 қатысушысы қатысып, өз бақтарын сынады. Нәтижесінде жүлделі І орынды Бұқаж жырау ауданы, Ростовка ауылдық «Мешіт-медресесінің шәкірті Құттыбай Дарын иеленді. Кезекті ІІ орында Қарағанды қаласы, «Олжас Есенұл» атындағы сауат ашу орталығының шәкірті Әбдіразақ Қасым қанжығасына байласа, ІІІ орын Қарағанды қалалық «Күнгей» мешітінің шәкірті Амангелді Аланға бұйырды. Айта кетейік, берекелі сайыстың жеңімпаздары атанған жүлдегерлерге қаржылай сертификат табысталып, байқаудың ең жас екі қатысушысына ынталандыру сыйлықтары берілді.  Байқауға қатысқан он қатысушыға мадақтама қағаздары табыс етілді.

ҚМДБ-ның Қарағанды облысы бойынша баспасөз қызметі


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz