Күллі мадақ әлемдерді жаратқан Жаратушы Алла Тағалаға болсын! Адамзат баласына екі дүние бақытын көрсеткен ардақты елші Мұхаммед Мұстафаға (с.ғ.с.) сансыз салауаттар болсын!
ҚМДБ-ның «Жақыныңа жанашыр бол» бастамасы аясында Қарағанды облыстық «Әнет баба» мешіті және «Зекет» қоры облыс бас имамы Өмірзақ қажы Қазкенұлының тапсырмасымен және аймағымыздың жомарт жандарының ат салысуымен Осакаровка ауданы ауруханасына қайырымдылық көмек көрсетті.
Пайғамбарымыз (оған Алланың салауаты мен сәлемі болсын) садақа жайында: «Мұсылманның садақасы ғұмырын ұзартады. Оны мезгілсіз өлімнен сақтайды. Күпірлік пен мақтаншақтықтан аластатады»,- деген.
Ел басына күн туған қиын кезеңде «жұмыла көтерген жүк жеңіл»- деп, облысымызда ауыр індетпен ауырып жатқан науқас жандарға көмек беру мақсатында аталмыш ауруханға 20 арнайы кислородтық жастық, 10 пульсоксиметр, 10 термометр, сондай-ақ, қажетті медециналық құрал- жабдықтар жеткізді. Игі іс-сапар барысында «Зекет» қорының өкілі Мұхит Джаримбетов және облыстық «Әнет баба» мешітінің наиб имамы Хумар Қоныскерей аталмыш аурухана қабырғасын арнайы зиярат етті. Қайырымдылық акциясын ұйымдастырған жандарға аурухана қызметкерлері шексыз алғыстарын жеткізді.
ҚМДБ-ның Қарағанды облысы бойынша баспасөз қызметі