ҚМДБ-ның төрағасы, Бас мүфти Наурызбай қажы Тағанұлының бұйрығыменТеміртау орталық мешітінің  имамы болып Абдыгалиев Естай Айтуғанұлы тағайындалды. Қарағанды облысының бас имамы Өмірзақ қажы Қазкенұлы мешіт ұжымына жаңадан тағайындалған имамды ресми түрде таныстырды.  Имам болып тағайындалған Естай Айтуғанұлы, 1995 жылы 18 қаңтарда Қарағанды облысы, Шет ауданы, Жұмыскер ауылында дүниеге келген. Қарағанды Мемлекеттік университетінің «Дінтану» мамандығы бойынша білім алған. Еңбек жолын Қарағанды облысы, Саран қаласының мешітінде ұстаздық қызметімен бастаған.  2015 жылдың желтоқсан айында ҚМДБ-ның бұйрығымен Қарағанды облысы, Бұқар жырау ауданы, Ростовка ауылының «Балкен ана» мешітінде имамдық қызметін атқарған. 2018 жылдың қараша айынан Нұр-Сұлтан қаласының «Ырыскелді қажы» мешітінде найб имам қызметімен жалғастырған. Үйленген, екі баласы бар.