Center Image
IHSAN.KZ
Шахтинск жамағатына ережеп айының құрметіне ауызашар берілді
Шахтинск жамағатына ережеп айының құрметіне ауызашар берілді

   Шахтинск қалалық «Нұр» мешітінің имамы Әсет Наурызбайұлының  ұйымдастыруымен ережеп айының құрметіне нәпіл ораза ұстаған мешіттің бір топ жамағатына  ауызашар берілді. 

Ақшам уақытында ауызашарға жиылған жамағатқа мешіт имамы қасиетті ережеп айының қадір-қасиеті жайлы  уағыз-насихат айтты. Қасиетті үш  айдың қадірін біліп, Алланы көбірек еске алуға, тәубе етуге, уақытты пайдалы өткізуге шақырды.  Нәпіл оразасын ұстаған жандарға арнап жайылған ауызашар дастарханында мешіт жамағаты қасиетті Меккеден арнайы алып келінген зәм-зәм суымен ауыз ашты. 

Берекелі отырыс соңында  ақсақалдар бата беріп, халық үшін дұға жасады.  

Қарағанды облысының баспасөз қызметі      


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz