Center Image
IHSAN.KZ
«Жанқұтты би» мешіті жолаушыларға көмек көрсетуде
«Жанқұтты би» мешіті жолаушыларға көмек көрсетуде

  Қылышын сүйретіп қыс келіп, ауа-райы күрт өзгерген. Қарағанды облысында қарлы жел көпшіліктің мазасын алды. Дәл осындай күннің ызғарлы сәтінде облысқа қарасты Шет ауданына келіп тоқтаған  жүзге жуық жолаушыларға аудандық «Жанқұтты би»  мешіті қамқорлық көрсетті.

  Мешітте сапарлатып келе жатқан жолаушыларға екінші күн  көмек көрсетілуде. Игі шара жергілікті әкімдіктің қолдауымен және «Ж.Ақылбаев» атындағы орта мектеп қызметкерлерінің ат салысуымен жүзеге асуда. Алла үйіне келіп аялдаған жолаушыларға үш мезгіл ыстық ас берілуде. Игі шараның басы-қасында жүрген мешіт имамы Берік Алпысбайұлы жолаушылармен тілдесіп, рухани қолдау көрсетуде.

ҚМДБ-ның Қарағанды облысы бойынша баспасөз қызметі


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz