Center Image
IHSAN.KZ
Облыс бас имамы Төлеутай ата мешітінде болды
Облыс бас имамы Төлеутай ата мешітінде болды

   Қарағанды облысының бас имамы Естай Айтуғанұлы өкілдікке қарасты Әлихан Бөкейхан ауданындағы Төлеутай ата мешітіне арнайы ат басын бұрып, бақылау-басқару бағыты бойынша тексеріс жұмыстарын жүргізді.

Мешіт қызметкерлерінің қатысуымен жиын өтіп, бірқатар мәселелер талқыға салынды. Облыс бас имамы діни басқарма тарапынан қабылданған құжаттар бойынша талапқа сай қызмет етуді тағы бір қаперге салды.

Қызметтік сапар барысында құлшылық үйінің имамы Сайлау Жұмағұлұлы облыс бас имамына аймақтың діни ахуалынан хабар беріп, мешіттің қызмет барысымен таныстырды. Сондай-ақ, ішкі-сыртқы жұмыстары бақыланып, діни басқарма мен облыс тарапынан келіп жатқан құжаттардың реттілігі тексерілді.

ҚМДБ-ның Қарағанды облысы бойынша баспасөз қызметі


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz