Center Image
IHSAN.KZ
Балқаш мешітінде 50 мұқтаж отбасыға азық-түлік үлестірілді
Балқаш мешітінде 50 мұқтаж отбасыға азық-түлік үлестірілді

   Балқаш қалалық мешітінің ұйымдастыруымен әлеуметтік жағдайы төмен 50 отбасыға көмек көрсетіліп, күнделікті тұрмысқа қажетті азық-түлік өнімдері салынған арнайы қоржындар үлестірілді. Оған Қарағанды облысының бас имамы Естай Айтуғанұлы және Балқаш қалалық мешітінің имамы Нұрболат Сейілханұлы бастаған ұжым белсене атсалысты. 

Қазақстан мұсылмандары діни басқармасы жұмысының негізгі бағыттарының бірі – бұл қайырымдылық. Халқымыз «Қайырымдылық жасасаң, қайырын өзің көресің», дейді. Сол себепті әдеттегі үрдіс бойынша қоғам мен халықтың игілігі үшін «садақа жария» жасалып отыр. 

Шара барысында облыс бас имамы келушілерге жылы лебізін білдіріп,  Қазақстан мұсылмандары діни басқармасының төрағасы, Бас мүфти Наурызбай қажы Тағанұлының тапсырмасына сәйкес өңір-өңірлерде имамдар тарапынан рухани һәм материалдық көмек мүмкіндігінше көрсетіліп келе жатқанын және бұдан кейін де аталмыш игі дәстүр жалғасын табатынан жеткізді.

ҚМДБ-ның Қарағанды облысы бойынша баспасөз қызметі


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz