Center Image
IHSAN.KZ
Облыс бас имамы Нұра ауданының әкімімен жүздесті
Облыс бас имамы Нұра ауданының әкімімен жүздесті

   Нұра ауданына ресми сапармен барған Қарағанды облысының бас имамы Естай Айтуғанұлы аймақтың әкімі Бақытжан Мылтықбайұлымен жүздесті. Басқосуға облыстық «Әнет баба» мешітінің қызметкерлері мен Нұра аудандық мешітінің имамы Ерлан Серікұлы да қатысты.

ҚМДБ төрағасы, Бас мүфти Наурызбай қажы Тағанұлының ыстық сәлемін жеткізген облыс бас имамы ең алдымен жергілікті діни ахуал төңірегінде сөз қозғап, күн тәртібінде тұрған негізгі мәселелердің түйінін тарқатты. 

Аймақ басшысы да өз кезегінде аудандағы діни тұрақтылық пен халықтың дұрыс наным-сенімде болуы ел ынтымағы мен ауызбіршілігінің негізгі өзегі екенін айтты. Осы ретте діни басқарма төңірегінде бірлесе қызмет атқарып, имамдарға қолдау білдіруге әзір екенін жеткізді. Алдағы уақытта ортақ жобалар аясында ел үшін етене еңбек етуге ниет білдірді.

Кездесу соңында облыс бас имамы Естай Айтуғанұлы әдеттегі игі үрдіс бойынша аудан басшысына «Мүфтият» баспасынан жарық көрген «Ихсан – рухани тәрбие негізі» кітабын хадия етті.

ҚМДБ-ның Қарағанды облысы бойынша баспасөз  қызметі


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz