Қасиетті мәуліт айының құрметіне орай, Қарағанды қалалық «Қазыбек би» мешітінің  ұйымдастыруымен мешіт жамағаты арасында Пайғамбарымызға (ﷺ) салауат айтудан сайыс өтті.  

Байқау барысында 600 500  салауат айтып, Баттал Мұхаммед Башир Ризабекұлы бас жүлдені иеленді. Жүлделі екінші орын Алла елшісіне 442 354  мәрте салауат жолдаған Адрахман Абдулқадыр Ысқақұлына тиесілі болса, кезекті үшінші орын 406 500 мәрте салауат айтқан Абдрахман Нұрахмет Ысқақұлына бұйырды.  Жалпы сайыс барысында екі дүние сардарына 3 245 167 рет салауат айтылды. Сайысқа қатысушылар қасиетті жұма күні мешітке жиналған жамағат алдында марапатталды.