Center Image
IHSAN.KZ
Облыс бас имамы Бұқар жырау ауданының әкімімен кездесті
Облыс бас имамы Бұқар жырау ауданының әкімімен кездесті

   Қарағанды облысының бас имамы Естай Айтуғанұлы Бұқар жырау ауданына барған арнайы сапары барысында аудан әкімі Нұркен Сайфиддинұлымен жүздесті.  
 
Сондай-ақ, келелі кездесуге Қарағанды облыстық «Әнет баба» мешітінің наиб имамы Құмар Қоныскерей мен Нұржігіт Оразалыұлы, аудан имамы Рүстем Мұратұлы және әкімшіліктің бірқатар қызметкерлері қатысты. 
 
Аудан басшысы жуырда қызметке тағайындалған облыс бас имамы Естай Айтуғанұлының жұмысына сәттілік тілеп, жылы лебізін білдірді. Қызметтік отырыс барысында аудандағы діни ахуал жан-жақты сараланып, болашақта жүзеге асырылатын бірлескен жобалар төңірегінде сөз қозғалды. Жергілікті мекенде діни тұрақтылықты сақтау турасында өзара ұсыныс пен пікірлер айтылды. 
 
Сонымен қатар,  мешіттің қажетті құралдармен жабдықталуы туралы мәселелер қаралып, аудан басшысы әкімшілік тарапынан көмек қолын созатынын айтып өтті.  
 
ҚМДБ төрағасы, Бас мүфти Наурызбай қажы Тағанұлының сәлемін жеткізген облыс бас имамы дінімізге деген жанашырлығы үшін аудан әкіміне алғысын білдіріп, діни басқарманың «Мүфтият» баспасынан жарыққа шыққан «Ихсан – рухани тәрбие негізі» кітабын хадия етті. 
 
ҚМДБ-ның Қарағанды облысы бойынша баспасөз қызметі


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz