Қасиетті мәуліт айының құрметіне орай Балқаш қалалық мешітінің  ұйымдастыруымен  футболдан жарыс өтті. Мешіт жамағаты және қала жастары арасында өткен сайысқа үш командадан құралған, отыздан астам жастар қатысып, бақ сынасты.  Ойынның  соңында  Балқаш қалалық мешітінің наиб имамы Айтқазин Рауан ойынға қатысқан барша жастарды  қасиетті мәуліт айымен құттықтап, пайғамбарымыздың (Оған Алланың игілігі мен сәлемі болсын) өнегелі өмірінен үзінділер келтірді. 

Тартысқа толы ойын соңында белсенділік танытқан ұтқыр ойыншылар марапаттауға ие болып, сый-сияпаттар берілді.