1992 жылдың 18 қазан күні Елбасымыздың бастамасымен Алматы қаласында Бірінші Бүкіләлемдік Рухани Келісім Конгресі өтті. Осы жылдан бастап Қазақстанда 18 қазан күні Рухани келісім күні ретінде тойланады. Дәл осы мереке қарсаңында  Қарағанды облысына қарасты Бұқар Жырау ауданында  келелі кездесу өтті. Отырысқа халық Ассамблеясының мүшелері, діни конфессия өкілдері, ғалымдар, жоғары оқу орындарының оқытушылары мен студенттер қатысты. Рухани шарада аймақ имамы Акошев Рүстем Мұратұлы және Көкпекті ауылының имамы Сұңқар Қадырұлы Бұқар Жырау ауданы әкімінің орынбасарының арнайы алғыс хатымен марапатталды.