Шахтинск қалалық әкімдігінің ұйымдастыруымен өңірдегі діни конфессиялардың өкілдері дөңгелек үстелде бас қосты.

Рухани келісім күніне арналған жиынға Шахтинск қалалық «Нұр» мешітінің азаншысы Байкешев Нұрғали Беркулович қатысты.

Жүздесуде діни наным-сенімдеріне қарамастан елімізде мекендеп жатқан барлық дін өкілдеріне құрметпен қарау, қоғамда әрқашан да халықтар арасындағы достық пен татулық басты орын алатындығы айтылды.

 «Бүгінгі жүздесудің маңызы ерекше. Еліміздегі бүкіл жұртшылық жұдырықтай жұмылып, ортақ мақсат жолында аянбай еңбек еткенде ғана біз бұдан да іргелі, сыйластығы жарасқан мемлекетке айналамыз»,- деді аймақ азаншысы Нұрғали Беркулович.

.