Ардақты Пайғамбарымыздың (с.ғ.с)  дүниеге келген мүбәрак мәуліт мерекесіне орай Қарағанды қалалық «Төлеутай ата» мешітінде  әйелдер жамағаты арасында  рухани іс-шара өтті.  

Берекелі кештің шымылдығын  «Төлеутай ата»  мешітінің имамы Мусин Сайлау Жұмағұлұлы ашып, әйелдер жамағатын қасиетті айдың келуімен құттықтады. Сондай-ақ, Алла елшісіне (оған Алланың салауаты мен сәлемі болсын) салауат айтудың мәні мен маңыздылығын түсіндіріп, екі дүние сардарының әрбір әрекеті мен сөзінен рухани нәр алып, пайғамбарымызды (оған Алланың салауаты мен сәлемі болсын) шынайы жақсы көрудің қаншалықты маңызды екендігін көркем түрде жеткізді.

Сонымен қатар аталған шарада мешіт ұстазы Рымкулова Фатима Аманболдықызы мәуліт айының қадір-қасиеті мен мән-мағынасын кеңінен түсіндіріп өтті. Мешіт шәкірттері Алла Елшісіне (с.ғ.с) деген арнау жырлары мен сағыныш хаттарын оқыды.  Ізгілік жаршысы негізінде өткен шара барысында Пайғамбарымыздың (с.ғ.с) өмірбаяны негізінде сұрақ-жауаптар мен қызықты ойындар ұйымдастырылып, белсенді қатысушыларға ынталандыру сыйлықтары берілді.  

Рухани басқосуға келген қыз-келіншектер берекелі дастархан басында бас қосты.

ҚМДБ-ның Қарағанды облысы бойынша баспасөз қызметі