Center Image
IHSAN.KZ
Теміртауда жамағатаралық футбол турнирі өтті
Теміртауда жамағатаралық футбол турнирі өтті

Теміртау қаласының жамағаты арасында футбол турнирі өтті. Айтулы дода Әлихан Бөкейхан атындағы Теміртау орталық мешіті және Теміртау қаласының конфессияаралық қатынастары проблемаларын зерттеу және талдау орталығының ат салысуымен жүзеге асты.
 
Оған Теміртау қаласының бас имамы Естай Айтуғанұлы мен теолог маман Мұхаммадқашқари Жоламанұлы және Теміртау қаласының жамағаты қатысты.
 
Арнайы судья тарапынан бақыланып отырған спорттық сайыста жалпы саны 13 команда өз бақтарын сынады. Сондай-ақ, әрбір қатысушыға ең кемі бес сүреден жатқа білуі сынды талаптар қойылды. Шын мықтылар өз нәтижесін көрсетіп, тиісті орындар иеленді.
 
Жеңімпаз командалар үш орын бойынша ақшалай сыйлықтармен марапатталды. Атап айтсақ: I орынға 100 000 теңге, II орынға 70 000 теңге, ал III орынға 50 000 теңге.
 
Одан бөлек, «Үздік қақпашы», «Үздік ойыншы», «Үздік джокер», «Үздік қорғаушы», «Үздік шабуылшы» сынды жекелей номинациялар бойынша ынталандыру сыйлықтары берілді.


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz