Жамағаттың қолдауымен Шахтинск қалалық «Нұр» мешітінің имамы Ибраев Әсет Наурызбайұлының бастамасымен мешітке барар жол күрделі жөндеуден өтіп, асфальт жол салынды. Су жаңа, теп-тегіс жол мешітке келуші жамағат игілігіне ұсынылды. Сондай-ақ, мешіт ауласына арнайы көлік тұрағы салынды. Тұрақтың сыйымдылығы 50-60 көлікке арналған. Бұл игі іс жайында Пайғамбарымыздың (с.ғ.с.) хадисінде: «Үш адамның артынан өшпес сауап барады.Соның бірі, кімде-кім жол соғып, дүниеден өтсе, сол соққан жолынан әрбір жүрген адамның әрбір қадамына берілген сауаптың бір бөлігі сол жолды соққан адамның артынан барып тұрады»,- деп айтылған. Алла Тағаладан сауапты істеріміз молынан болсын дегіміз келеді.