Қарағанды облысына қарасты Балқаш қалалық мешітінің ұйымдастыруымен шағын футболдан жарыс болып өтті. Қаланың орталық стадионында өткен шағын футбол сайысына  аймаққа қарасты мешіттің дін қызметкерлері мен жамағаты қатысты. Атап айтқанда, Балқаш қалалық мешіті, Приозерск қалалық мешіті, Саяқ кенті мешіті, Шашубай кенті мешіті, Қоңырат шағын мөлтек ауданы мешіті,  Балқаш мешіті жамағаттары арасында  алты команда бақ сынасты.

Ойын соңында Балқаш қаласының  имам Төлтаев Ербол Мұқанұлы жарысқа қатысқан барлық мешіт жамағаттарын құттықтап, оларға зор алғыс білдіріп, үздік ойын көрсеткен команданы және жекелеген үздік ойыншыларды марапаттап, ақшалай сыйлықтар табыстады.