Әлихан Бөкейхан атындағы Теміртау орталық мешітінде жас шәкірттерге Құран үйрету сабағы жалғасып келеді. Арнайы бөлінген төрт топқа мешіттің ұстаздары күн сайын дәріс өткізіп, балалардың демалыстарын үнемді пайдалануы үшін ат салысып келеді.
 
Осы орайда Теміртау қаласының бас имамы Естай Айтуғанұлының тапсырмасына сәйкес мешіт ұстаздары шәкірттерге дастархан жайып, балалардың жүрек жалғауы үшін тәтті тағамдар мен сусындар ұсынды.  
 
Айта кетсек, қазіргі уақытта Әлихан Бөкейхан атындағы Теміртау орталық мешітінде жалпы саны 60-қа жуық шәкірт Құран үйренуде. Жоғарыда тілге тиек еткен игі бастамалар балалардың білім алуға деген ынта-жігерін арттыру мақсатында жасалып отыр.