Қарағанды қаласындағы «Бала қажы» мешітінің имамы Нұров Махмұдқажы Нұрұлы «Үлгі» ауылында болып, тұрғындарымен кездесті. Дүйім жамағатқа Алланың хикметі, дініміздің көркемдігі туралы үгіт-насихат айтты. Руһани азық алған халықтың қуанышында шек жоқ.

Мешіт имамдарының мұндай келелі кездесулері дініміздің көркеюіне, ұрпағымыздың пайғамбар (сас) жолын ұстанып, мүмін мұсылман болуына септігін тигізеді. Ауыл ақсақалдары мұндай жиындарға балалары мен немере, шөберелерін ертіп келсе құба-құп. Өйткені қазақ “Ата көрген оқ жонар, ана көрген тон пішер” дегендей, Алланы еске алатын ортада атасына ілескен баланың руһы мықты, иманы қуатты болмақ.