Теміртауда мұқтаж отбасыларға 1,5 тонна құрбандық еті үлестірілді 

Қасиетті Құрбан айт күндерінде Теміртау мешіттері «3/1 мұқтажға бер» акциясы аясында 200-ден астам мұқтаж отбасыға жалпы көлемі 1 500 келі ет үлестірді. 

Құрбандық еттері мешітте тіркеуде тұрған әлеуметтік жағдайы төмен отбасылардың арнайы тізімі бойынша беріліп отырды.  

Еске сала кетейік, Теміртау қаласында құрбандық шалу рәсімі оң жақ жағалауда орналасқан «Западная» көшесі, 33 «А» мекенжайындағы қасапханада оффлайн түрде жүзеге асты.  

Қазақстан мұсылмандары діни басқармасының бастамасы аясында жүзеге асып отырған қайырымдылық шарасына ат салысып, қол ұшын берген барша жомарт жандарға алғыс айтамыз. Алла Тағала ізгі ниеттеріңізді қабыл етіп, сауабын еселеп жазсын дегіміз келеді.