Шахтинск қалалық «Нұр» мешітінде   жазғы сауат ашу дәрісі бойынша жүйелі жұмысын бастады. Дәрістің күнделікті өткізетін уақыты және ережесі бекітілген. Жазғы дәрістің алғашқы күні мешіттің бас имамы Әсет Наурызбайұлы Ибраев жиналған балаларға «Білім алудың артықшылығы» жайында әңгіме, сұқбат өткізіп, балалардың пайдалы білім алуына  батасын берді.
Дәрісте балалараға исламның алғышарттарымен қоса  әдеп, имандылық  сабақтары жүргізіліп, ойын шаралары ұйымдастырылуда. Мешіт ұстаздары жас өскелең ұрпақтың иманды, рухты болуына үлкен үлес  қосып, дәріс берумен  шектеліп қана қоймай, тәрбие-тағылым  сағаттарын да  өткізу үстінде.
Бүгінде дәріске қатысушы балалар саны 30-дан асады. Алдағы уақытта қатысушылар саны артуы мүмкін. Күн санап сабақ жөнінде сұрап әрі қатысуға ниетті екендерін білдіруде.  
Биылғы жазғы сауат ашу дәрісіне, асыл дініміздің діңгегінен хабар алсын деп балаларын толығымен ұстаздарға сеніп тапсырған барша ата-аналарға алғыс білдіреміз. Алла нәсіп етсе имандылығы бекем, сауатты балаларымыздың саны арта берсін. Әр баланың алған діни білімі болашақта өзіне һәм еліне пайдалы ілім болғай!

Шахтинск қалалық «Нұр» мешітінің баспасөзі