Center Image
IHSAN.KZ
Теміртау мешіттерінде «Имани жаз» жазғы сауат ашу курсы аяқталды
Теміртау мешіттерінде «Имани жаз» жазғы сауат ашу курсы аяқталды

Теміртау мешіттерінде маусым айынан басталған балаларға арналған «Имани жаз-2022» жазғы сауат ашу курсы өз жұмысын аяқтап, шәкірттерге арнайы сертификаттар табыс етілді. Бір ай бойы Құран әліппесімен танысып, Алланың сөзін оқуды үйренген шәкірттер аталмыш курсты сәтті аяқтап шықты.  
 
Айтулы шараға қатысқан Теміртау қаласының Бас имамы Естай Айтуғанұлы мен Жақып Ақбай атындағы Теміртау қалалық мешітінің имамы Елдос Жұмаділда шәкірттерге арнайы сертификаттарды табыстап, Құран Кәрім кітабын сыйға тартты. 
 
Игі шара соңында мешіт асханасында балалар мен ата-атаналарға арнайы дастархан жайылып, ұрпақтарымыздың білімді болуын тілеп дұға жасалды. 
 
Айта кетсек, биылғы жазғы сауат ашу курсына Теміртау қаласының екі мешітінде 80-нен аса бүлдіршіндер қатысып, шариғаттың бастауыш білімдерін алып шықты.


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz